HIMNO DO CONCELLO DE A ESTRADA
Terra noble, fidalga e ben labrada,
dende Montes a ollar fecundos ríos.
Mociña florecida en amoríos
que de cincuenta estrelas es gardada.
De pazos e de pontes adornada,
de castros e de rexos penedíos,
de soutos e camposas, aduvíos
da palabra que é lei dita na Estrada.
sosegan na paz túa os bos viaxeiros
e medran os teus fillos na irmandade
e na fidel memoria ós devanceiros.
Con ramos de benvida e de lealdade
sairemos todos xuntos ós carreiros
cun cantar de esperanza e liberdade:
O himno novo das terras de bonanza
a resoar polos vales e os outeiros
ata onde o corazón á Patria alcanza.
(Letra: Salvador García Bodaño
Música: Eulogio López Masid)
No hay comentarios:
Publicar un comentario